Sar Jis Pe Na Jhuk Jaye Osay Dar Nahin Kehte,

 Type By,

*__SAJJAD__*

Sar Jis Pe Na Jhuk Jaye Osay Dar Nahin Kehte,

Har Dar Pe Jo Jhuk Jaye Osay Dar Nahin Kehte,

Kya Ahl_e_Jahan Tujh Ko Sitamgar Nahin Kehte,

Kehte To Hain Lekin Tere Munh Par Nahin Kehte,

Qaabe Main Musalman Ko Keh Dete Hain Qafir,

Bott Khane Main Kafir Ko Bhi Kafir Nahin Kehte,

Rindon Ko Dara Sakte Hain Kya Hazrat_e_Waiz,

Jo Kehte Hain Allah Se Dar Kar Nahin Kehte,

Har Baar Naye Shok Se Hai Arz_e_Tammana,

So Baar Bhi Hum Keh K Mukarar Nahin Kehte,

May Khane K Andar Bhi Who Kehte Nahin May Khwaar,

Jo Baat K May Khane K Bahar Nahin Kehte,

Kehte Hain Muhabbat Faqat Is Haal Ko Bismil,

Jis Haal Ko Hum In Se Bhi Aksar Nahin Kehte,

Poet_Bismil Saeedi,