Hama Waqt Ranj_O_Malal Kya Jo Guzer Gaya So Guzer Gaya,

Hama Waqt Ranj_O_Malal Kya,

Jo Guzer Gaya So Guzer Gaya,

Osay Yaad Kar K Na Dil Dukha,

Jo Guzar Gaya So Guzar Gaya,

Na Gila Kia Na Khafa Howe,

Yon Hi Raaste Main Juda Howe,

Na Tu Bewafa Na Main Bewafa,

Jo Guzar Gaya So Guzar Gaya,

Woh Ghazal Ki Ek Kitaab Tha,

Woh Gulon Main Ek Gulaab Tha,

Zara Dair Ka Koi Khwaab Tha,

Jo Guzar Gaya So Guzar Gaya

Mujhe Pat Jharon Ki Kahaniyan,

Na Suna Suna K Udaas Kar,

Tu Khizan Ka Phool Hai Muskura,

Jo Guzar Gaya So Guzar Gaya,

Woh Udaas Dhoop Samait Kar,

Kahin Waadiyon Main Utar Chuka,a

Osay Ab Na De Mere Dil Sada,

Jo Guzar Gaya So Guzar Gaya,

Yeh Safar Bhi Kitna Taweel Hai,

Yahan Waqt Bhi Kitna Qaleel Hai,

Kahan Laut Kar Koi Aayega,

Jo Guzar Gaya So Guzar Gaya,

Woh Wafadaariyan Thi K Jafaiyan Thin,

Yeh Na Soch Kis Ki Khataiyan,

Thin Woh Tera Hai Os Ko Gale Laga,

Jo Guzar Gaya So Guzar Gaya,

Tujhe Aitabaar_O_Yaqeen Nahin,

Nahin Dunya Itni Buri Nahin,

Na Malaal Kar Mere Saath Aa,

Jo Guzar Gaya So Guzar Gaya,

Poet_Bashir Badar,